Tuesday, February 28, 2017

கோடிகளும் சினிமாக்களும்


Image result for box office collection


ஓவ்வொரு அப்பாடக்கர் படம் வரும்போதும் இத்தனை கோடி அத்தனை கோடின்னு உதார்வுட்டுகிணு  ரசிக சிகாமணிகள் கிளம்புவாங்க.  இந்திய சினிமாவிற்கு சில ஆண்டுகள் முன்புவரை படம் நல்லாருக்கு படம் நல்லால்ல, ஹிட் பிளாப் இவ்வ்ளோதான் அதுக்குமேல சில்வர் ஜூபிலி, 100 நாள் கொண்டாட்டம், இன்னும் கொஞ்சம் முன்னாடி போனால் வைர விழா போன்றவைதான் யதார்த்த சினிமா ரசிகனின் பார்வைக்கு வைக்கப் பட்டது.

இன்று அந்த சினிமாவின் வசூல் வெற்றியின் ஒரு மிக முக்கிய லட்சினையாக முன்னிறுத்தப் படுகிறது, இது ஒரு திரைப்படத்திற்கு சரியான அளவுகோல் என்பதில் எனக்கு உடன்பாடில்லை. முதலில் இந்த வசூல் பற்றிய செய்தியில் சொல்லப்படும் 100 கோடி கணக்கு பெரியா ஆளுமை இல்லை என்பது என் கருத்து.    தமிழகத்தில் மட்டும் 7 கோடி மக்கள் வசிக்கின்றனர். கபாலி போல் அல்லாமல் ஒரு டிக்கட் 100 ரூவாய்க்கு விற்கப் படுகிறது என்று வைத்துக் கொள்வோம்

100 கோடி வசூல், ஒரு டிக்கட்டின் விலை ரூபாய் 100 என்றால் சராசரியாக 1 கோடி பேர். அதாவது சராசரியாக சென்னையின் மக்கள் தொகையே 1 கோடியை விட அதிகம். தமிழகத்தின் சரிபாதி மக்கள் கூட பார்க்காத திரைப்படம் என்றே பொருள் படும். தவிர BO என்பது உலக வசூல் பற்றிய கணக்கு, ஆக இந்த கணக்கு ஒரு சிறந்த திரைப்படத்திற்கான நல்ல அளவு ஆகாது.

வாகை சூட வா என்ற திரைப்படம் நான் என்றென்றும் அனைத்து தளங்களிலும் உயரப் பிடிக்கும் ஒரு படம். பெரிய வசூல் இல்லை. அரவான் போன்ற திரைப்படங்களும் அப்படித்தான். உலக சினிமாவிலும் பல மிக சிறப்பான படங்கள் ஷஷாங்க் ரிடெம்ப்ஷன், போன்ற திரைப்படங்கள் வசூலில் பெரிய சாதனைகள் புரியவில்லை.

திருடா திருடி நல்ல வசூல், தன் சமகாலத்தில் வேறெதுவும் நல்ல படங்கள் இல்லாததாலேயே பெரிய வெற்றி. ஆக வசூல் என்ற அளவீடோடு ஒரு சினிமாவின் வெற்றியை யதார்த்த ரசிகன் அணுகுவது சரியல்ல


ஆங்கிலத்தில் படிக்க   http://hemloc.blogspot.in/2017/02/crores-and-cinema.html

Thursday, September 22, 2016

பிங்க் திரைப்படம் திரைவிமர்சனம்

ஆமாம் அவனோடு உடலுறவு கொள்வதற்காக நான் காசு கேட்டேன், பின்பு அவனோடு உறவு கொள்ள விருப்பமில்லை மனதை மாற்றிக் கொண்டேன், அவனிடம் அதை சொல்லவும் செய்தேன். பின்பு என்னை அவன் கட்டாய படுத்தினான். நான் மறுத்தேன். அவன் என் மேல் பலம் ப்ரோயோகித்தான், தடுத்தேன், அவன் கேட்பதாயில்லை. அதனால் கையில் கிடைத்த ஒரு பொருளால் அவனைத் தாக்கினேன்.

ஒரு ஆணை விபச்சாரத்திற்காக அழைத்ததாகவும், மேலும் அவரை தாக்கி கொலை செய்ய முயற்சி செய்த்தாகவும் குற்றம் சுமத்தப் பட்ட ஒரு பெண், தனது தரப்பில் நீதிமன்றத்தில் வைக்கும் வாதங்களைத்தான் இவை.

இன்னொரு காட்சியில் வழக்கறிஞர்  நீங்கள் இன்னமும் கன்னித்தன்மை உடைய பெண்ணா ? என்று கேட்க்கிறார். இது போல் படம் நெடுக நெருடலான வசனங்கள் அதன் நேர்மை குறையாமல் நம்மை தொடர்ந்து சுடுகின்றன.
பிங்க் இந்த வருடத்தின் மிகசிறப்பான படங்களில் ஒன்று. அமிதாப் தன்னுடைய  வக்கீல் கதாபாத்திரத்தை மிக நுணுக்கமாக செய்துள்ளார். டாப்ஸியும் மிக சிறப்பாக நடித்துள்ளார். கீர்த்தி குலாரி, கிடைத்த வாய்ப்பை அதிரடியாக பயன்படுத்தியுள்ளார்.

அனிருத் ராய் சவுத்திரி இந்த படத்தின் வாயிலாக தேசிய விருதிற்கு நியமிக்க படுவார் என்பது எனது நம்பிக்கை. இந்த படத்தின் எடிட்டருக்கும் அதுவே நடக்கும் வாய்ப்புண்டு - போதாதித்யா பேனர்ஜி.

PINK இளஞ்சிவப்பு - அனுமதிஇன்றி / உடன்பாடின்றி ஒரு ஆணுறுப்பு ஒரு பெண்ணுறுப்பில் நுழைவதை அல்லது ஒரு தனி பெண்ணுறைப்பையும் குறிக்கும் பெயர். படத்தோட பெயரை வச்சே உங்ககளுக்கு புரிஞ்சிருக்கும் படம் பயந்தாங்கோலிகளுக்கு இல்லை

PINK அவசியம் அனைத்துப் பெண்களும் தனது குடும்ப / நண்பர்களுடன் பார்க்க வேண்டிய படம்

Wednesday, September 7, 2016

எத்தனைக் காலம்தான் ஏமாற்றுவார்

ஜியோ வந்து மறக்கடிக்கும் வரை இணையத்தை இரண்டு நாட்களுக்கு முன்புவரை " மாட்டிறைச்சி நமது பிறப்புரிமை அதை அடைந்தே தீருவோம் - சீசன் - 2 " ஓடிக்கொண்டிருந்தது. ஸ்பைடர்மேன் ( திரைப்படம் ) பார்க்க வேண்டிய முக்கிய சமூக பொறுப்பு இருந்ததால் இன்றுதான் அதை  பற்றி எழுத முற்பட்டேன்.

உதித் ராஜ் என்ற பிஜேபி நாடாளுமன்ற உறுப்பினர்  - மாட்டிறைச்சி சாப்பிடததால்தான் ஹுசைன் போல்ட் தங்க பதக்கம் வென்றார். அதனால் . . . .  சொல்லி இருக்கிறார். இவர் எப்படி இப்படி ஒரு கருத்தை சொல்லலாம் என்று பொங்குவதற்கு எதுவுமில்லை. அவரர் கருத்தை சொல்ல அனைவருக்கும் உரிமை உண்டு. ஆக எனக்கு உண்டு.

ஹுசைன் போல்ட், ராஜ் கூறிய தகவலுக்கு அவரை தரவாக இந்தக் குறிப்பையும் அவரை பதியவில்லை. நானும் இரண்டு நாட்களாக படித்த ஒரு இடத்தில் கூட அவருடைய கூற்றை நிரூபிக்கும் ஒரு தகவல் கூட நமக்கு கிடைக்கவில்லை.  கொடுமை கொடுமைன்னு கோயிலுக்குப் போனால் அங்க ரெண்டு பேய் தலையை விரிச்சு சல்ஸா ஆடிச்சாம் என்பது போல நமக்கு கிடைத்த ஒரு வீடியோ அவருடைய கருத்திற்கு நேர்மறையான பொருள் கொண்டது. அதவாது ஹுசைன் இந்த வீடியோவில் நெறைய வாழைப்பழங்கள் சாப்பிடவும் என்கிறார் ( அட அவரே சொல்றாருங்க, பாருங்க  )

https://youtu.be/LDy6e21uGwA


அந்த இன்னொருத்தர் இருக்காரே அவர்தான் யோஹான் ப்ளேக் அவரும் அவரைப் போல ஒரு ஓட்டப் பந்தைய வீரர், அவரும் அவருடைய ஜமைக்கா நாடடையே சேர்ந்தவர், அவரும் ஒலிம்பிக்கில் ஓட்டத்தில் பதக்கங்கள் வென்றவர்.

இன்னொரு கொடுமையை கேளுங்க - யாம் அதாவது கிழங்கு நமக்கு புரியிற மாதிரி சொல்லனும்னா சக்கரவல்லி கிழங்கு, சேனை , சேப்பை கிழங்கு போன்றவை ஹுசைனின் வெற்றிக்கு காரணம் என்றும் பேசப் படுகிறது. இந்த இன்னொரு வீடியோ .. போய் பாத்துட்டு வாங்க
https://youtu.be/LDy6e21uGwA

எந்த இடத்திலும் இவர் மாட்டிறைச்சியை புகழ்ந்து, தன் வெற்றிக்கு காரணமாக சொல்லிய ஒரு தகவலும் கிடைக்கவில்லை என்ற நிலையிழும் கிடைத்த தகவல்கள் கூற்றுக்கு எதிர்மைறையாக இருக்கும் காரணத்தாலும் உதித் ராஜின் செயலை நாம் அரசியல் என்று பார்ப்பது சரியாகும்.

தனிப்படட முறையில் சைவ உணவு அனைத்து விதமான காரணிகளும் போதுமானது, அனைத்து மதமும்  ( இசுலாம் உட்பட ) கொல்லாமையை முன்னிறுத்துகின்றன. மேலும் படிக்கையில் விளையாட்டு வீரர்களுக்கு சைவ உணவு சரியானதே என்று முன்வைக்கும் ஒரு தகவல். இந்த தகவலை வெளியிட்டிருப்பது ஆஸ்திரேலியாவின் விளையாட்டு துறை

http://www.ausport.gov.au/ais/nutrition/factsheets/special_diets/vegetarian_eating

இதுல பாருங்க நமது விருப்பத் தேர்வான வஹாபிகள் முன்னின்று கொடி பிடித்தனர். அவர்களுக்கு பிரத்தியேக கேள்வி, ஹுசைன் போல்ட் உணவுகளில் பல இடங்களில் போர்க் என்ற உணவு வகை குறிப்பிட பட்டிருந்தது, அதை பற்றி உங்கள் யாருக்காவது எதாவது தெரிந்தால் எனக்கும் சொல்லவும். மேலும் பல விளையாட்டு வீரர்களின் உணவுப் பழக்கங்களை படிக்கையில் அனைவரது பட்டியலிலும் போர்க் என்ற வார்த்தை மீண்டு வன்டுகொண்டே இருந்தது.